શ્રી સૌરભ પ્રાથમિક શાળા તા.૧૩-૦૫-૧૯૯૮ માં શરૂઆત કરવામાં આવેલ જે જુનાગઢ જિલ્લાના માંગરોળ તાલુકાના બામણવાડા ગામમાં આવેલી છે. શાળામાં ધોરણ - ૧ થી ધોરણ - ૮ સુધી છોકરા તથા છોકરીઓ બન્નેને ગુજરાતી માધ્યમમાં શિક્ષણ આપવામાં આવે છે અને શાળા શ્રી યદુનંદન એજ્યુકેશન ટ્રસ્ટ સંચાલિત શાળા છે જેના પ્રમુખ શ્રી કાનાભાઇ નારણભાઇ રામ છે. જે પોતે ધોરણ-૬ ભણેલા હોય તેથી તેમને પોતાના ગામનો કોઇ વ્યક્તિ પાછળ ન રહિ જાય તે હેતુથી સમાજસેવાની સાથે શિક્ષણની જ્યોત જગાવી ૧૯૮૩ માં શ્રી યદુનંદન એજ્યુકેશન ટ્રસ્ટ સ્થાપીને માધ્યમિક શાળા શરૂ કરી ત્યારબાદ ૧૯૯૮ માં શ્રી સૌરભ પ્રાથમિક શાળાની સ્થાપના કરી જેનું સંચાલન ૧૬-૧૨-૧૯૯૯ થી જેનું શિક્ષણમાં આગવું નામ છે એવા શ્રી વેજાભાઈ પિઠિયાના માર્ગદર્શન નીચે ચાલે છે. જેનું સંચાલન શ્રી દક્ષાબેન વેજાભાઈ પિઠિયા કરે છે. ત્યારબાદ એમ.કે.રામ બક્ષિપંચ કુમાર છાત્રાલય તથા ઉચ્ચતર માધ્યમિક શાળા ચાલુ કરી પુરૂ શૈક્ષણિક સંકુલ ધમધમતું કર્યું.